कोरिया टेलिकम ( के .टी ) को सहयोगमा नेपालमा रेस्क्यु सेन्टर स्थापना

कोरिया टेलिकमको आर्थिक र प्राबिधिक सहयोगमा कास्कीको अन्नपूर्ण गाऊँपालिका वड़ा नं ११ माछापुछ्रे बेस क्याम्पमा अन्नपूर्ण रेस्क्यु सेन्टरको स्थापना भएको छ ।गण्डकी प्रदेशका मुख्यमन्त्री पृथ्वीसुब्बा गुरुंगले विहिवार रेस्क्यू सेण्टरको उद्घाटन गरेका छन् । उद्घाटनका क्रममा मुख्यमन्त्री गुरुङले रेस्क्यु सेन्टर स्थापना भएपछि पदयात्री एवं हिमाल आरोहीहरूको सुरक्षा तथा उद्धारमा सहज हुने बिश्वास व्यक्त गरे।

सरकारको तथ्याङ्क अनुसार विपत्तिमा परेर वर्षेनी सयौ पर्यटक र आरोहीले ज्यान गुमाउदै आएका थिए। सेन्टर सञ्चालनमा आएपछि यो संख्यामा कमी आउने छ।

कोरियामा 5G मोबाईल नेटवोर्क मार्फत नियन्त्रण गर्न सकिने स्वचालित ट्र्याक्टरको आविश्कार! लाखौँ कृषकहरु लाभान्वित हुने !

गुरुदत्त न्यौपाने /सउल

दक्षिण कोरियाले दिन प्रतिदिन प्रविधिमा केही नविनतम थप्ने क्रम जारी राख्दै आएको छ।कोरियामा कृषी क्षेत्रलाई आधुनिक प्रविधिमा रुपान्तरण गरिरहेको कोरियाले यसपाली 5G मोबाईल नेटवोर्क मार्फत नियन्त्रण गर्न सकिने स्वचालित ट्र्याक्टरको आविश्कार गरेको छ।चालक बिना नै खेतबारीको काम सजिलै गर्न सकिने भएकाले लाखौँ कृषकहरु लाभान्वित हुने संकेत देखिएको छ।

मंगलबार ६६ सय वर्गमिटर क्षेत्रफल जमिनमा कोरियाको प्रतिस्ठित टेलिकम एल जि यु प्लस ( LG U PLUS ) ले उक्त प्रविधिको सफल परिक्षण गरेको थियो।मोबाईल,ट्याबलेट पिसी तथा आईप्याड जस्ता डिभाईसबाट द्रुत गतिको ईन्टरनेट 5G नेटवोर्क को प्रयोग गरि चालक बिनानै खेतबारीको काम गर्न सकिने भएपछी कोरियाको कृषी प्रविधीमा नयाँ आयाम थपिएको एल जि यू प्लस ले जनाएको छ।

“जब यो ट्याक्टरले काम गर्छ,त्यो समयमा म अन्य कामहरु गर्न सक्छु,आराम गर्न सक्छु।यो मेशिनको कार्यक्षमता मानिसको भन्दा धेरै हुने भएकोले काम पनि धेरै हुने र कामदारलाई दिनुपर्ने तलब सेवा सुबिधापनि कम हुने हुँदा हामीलाई यो प्रविधि आविश्कार भएकोमा अत्यन्तै खुशी लागेको छ।” एक कृषकले भने।

यो प्रविधिमा 3D भर्चुअल रियालिटी फिचर भएकोले जिपिएस सिस्टमबाट यसलाई ३ देखी १० सेन्टिमिटर सम्मको दुरीमा कन्ट्रोल गर्न सकिने भएकोले खेतबारीको लागी यो अत्यन्तै प्रभावकारी हुने बताईएको छ।

” हाम्रो प्रमुख उद्देश्य भनेको कृषीमा आधुनिकीकरण संगै यो क्षेत्रमा कामदार अभाबलाई न्युनिकरण,कृषीमा कामगर्ने जनसंङ्या घटाउदै ति थोरै जनसंङ्याको गुणस्तरिय जिवन कायम गर्नु हो साथै कृषी उत्पादनलाई गुणस्तरिय तथा परिमाणात्मक रुपमा बृद्दी गर्नु हो।यसका लागी २०२१ सम्ममा हामीले 5G मोबाईल नेटवोर्क प्रयोग गरी भर्चुवल रियालिटी मेशिन तथा आर्टिफिसियल ईन्टेलिजेन्स टेक्नोलोजीको पुर्ण रुपमा कृषी क्षेत्रमा लागु गर्नेछौँ ” LG U Plus का एक अधिकारीले बताए।

अत्यधिक गतिको ईन्टरनेट 5G मोबाईल नेटवोर्कको विश्वमै पहिलोपटक सुरुवात गरेको दक्षिण कोरियाले यसको प्रयोगले बृद्द असहाय अंगभंग भएकाहरुलाई पनि सहयोग पुग्ने खालको रिमोट कन्ट्रोल स्वचालित अंग विकास गर्ने लक्ष लिएको छ।