एनआरएन कोरियाका पुर्व बरिष्ट उपाध्यक्ष गुरुङ कोरियाको मानार्थ नागरिकताले सम्मानित

सिओल

दक्षिण कोरियामा लामो समय देखि बसोवास गर्दै आइरहेका बिपिन गुरुङ सियोल महा नगरपालिकाले प्रदान गर्ने मानार्थ नागरिकताले सम्मानित भएका छन् l

सियोल महानगरले हरेक बर्ष बिदेशी नागरिकलाई सामाजिक कार्यमा बिसेष योगदानको आधारमा मानार्थ नागरिकता प्रदान गर्ने गर्दछ l उनलाई महा नगरले एक कार्यक्रमका बीच मानार्थ नागरिकताले सम्मानित गरेको हो l

उनि संगै दक्षिण कोरियामा करिब एक दर्जन नेपाली मानार्थ नागरिकताले सम्मानित भैसकेका छन् l

को हुन् गुरुङ

बिगत २० बर्ष देखि कोरियालाई कर्मथलो बनाउदै आएका बिपिन गुरुङ कुशल ब्यावसायी पनि हुन् l उनले राजधानी सियोल स्थित दोंग्देमुनमा दर्शन नमस्ते रेष्टुरेन्ट संचालन गर्दै आइरहेका छन् l उनले एन आर एन कोरियाको सदस्य , उपाध्यक्ष हुदै बरिष्ट उपाध्यक्षको कार्यभार समेत समालेका थिए l नेपालमा बाग्लुंग जिल्ला घर भएका गुरुङ बागलुंग सम्पर्क समिति दक्षिण कोरियाका संरक्षक पनि हुन् l उनले यस भन्दा पहिला पनि कोरियाका पुर्व समामुख द्वारा अवार्ड प्राप्त गरेका थिए l

आफ्नो सामाजिक योगदानलाई उच्च मुल्यांकन गर्दै मानार्थ नागरिकताले सम्मानित गरेकोमा सियोल महानगरपालीका प्रति कृतज्ञता ब्याक्त गर्दै यो सम्मानले नेपाल र नेपालीको हितमा काम गर्न थप हौसला मिलेको उनि बताउछन l हेल्लो नेपाल कोरिया डट कम संगको कुराकानीमा उनि भन्दछन “बीस बर्ष लामो कोरिया बसाइ अबधिमा मैले आफ्नो छवी धमिलिने काम कहिले गरेको छैन l प्रवासमा रहेतापनि नेपाल र नेपालीको हितमा सक्दो काम गर्दै आइरहेको छु र आगामी दीनमापनि गर्ने छु ”

हेनेको सम्वाददाता