दक्षिण कोरियाको पासपोर्ट विश्वकै तेस्रो शक्तिशाली ,अफगानिस्तानको सबैभन्दा कमजोर

सन् २०१९ मा दक्षिण कोरियाको राहदानी (पासपोर्ट ) विश्वकै तेस्रो शक्तिशाली बनेको छ । हेन्ली एण्ड पार्टनर्सले गरेको एक अध्ययन पछी प्रकाशित गरेको तथ्यांकअनुसार सिंगापुर र जापान पछिको शक्तिशाली पार्सपोर्ट दक्षिण कोरियाको बनेको हो । अग्रिम भिषा बिना सबैभन्दा धेरै देशमा प्रवेश अनुमतिको आधारमा उक्त देशको पासपोर्टलाइ शक्तिशाली मानिन्छ ।

प्रकाशित तथ्यांकअनुसार दक्षिण कोरियाको पासपोर्ट भएका नागरिकले १ सय ८८ देशमा पुर्व भिसा बिनानै प्रवेश अनुमती पाउने छन् ।
त्यस्तै १ सय ९० भन्दा धेरै देशमा प्रवेश अनुमती संगै जापान र फिनल्याण्डको पासपोर्ट सबैभन्दा शक्तिशाली बनेको छ।विश्वकै सबैभन्दा कमजोर पासपोर्ट अफगानिस्तानको बनेको छ । अफगानी पासपोर्ट बाहक नागरिकले २५ देशमा प्रवेशको अनुमति पाउन सक्छन ।

सबैभन्दा शक्तिशाली पासपोर्ट तथा प्रवेश अनुमति तथ्याँक

१ सिंगापुर र जापान – १९० देश
२ दक्षिण कोरिया ,जर्मन र फिनल्याण्ड -१८८ देश
३ इटाली , डेनमार्क र जक्जम्बौर्ग -१८७ देश
४ फ्रान्स ,स्पेन र स्विडेन – १८६ देश
५ अस्ट्रेलिया, निदरल्याण्डस् र पोर्चुगल -१८५ देश

सबैभन्दा कमजोर पासपोर्ट तथा प्रवेश अनुमति तथ्यांक

१ अफगानिस्तान- २५ देश
२ इराक -२७ देश
३ सिरिया -२९ देश
४ सोमालिया ,र पाकिस्तान -३१ देश
५ यमन – ३३ देश

यो खबर हेल्लो नेपाल कोरिया टाईम्समा किशन गौतमले लेखेका हुन ।