जापानमा बाढि पहिरो तथा डुबानमा परि ज्यान गुमाउनेको संख्या ७० पुग्यो

फ़ुकुओका

लगातारको भीषण वर्षापश्चात आएको बाढी, पहिरो र डुबानमा परि जापानको क्यूशु क्षेत्र सहित जापानभर कम्तिमा ७० जनाको ज्यान गएको छ ।

ज्यान गुमाउनेहरुमा अधिकाश कुमामोतो प्रिफेक्चरका बासिन्दा रहेका छन । सो क्षेत्रका दर्जनौ स्थानहरु जलमग्न बनेको छ ।

अझै एक जना अचेत रहेको र उनको कृतिम स्वास दिएर उपचारको प्रयास भईरहेको एनएचके टेलिभिजनले समाचार प्रशारण गरेको छ ।

सोमबार बिहान १० बजेसम्मको तथ्यांकमा १३ जना अझै हराईरहेको बताइएको छ । घाइतेहरुको उपचार भइरहेको र हराइरहेकाहरुको खोजी कार्य जारी राखिएको बताइएको छ ।

जापानको आगजनी तथा प्रकोप व्यवस्थापन एजेन्सीका अनुसार आइतबार बेलुका सम्मको तथ्यांक अनुसार केही दिनदेखि परेको भारी बर्षाका कारण १२ हजार ६ सय ६० घरहरुमा क्षति भएको हो ।

कुमामोतो प्रिफेक्चरको ४ हजार ५ सय ८० घरहरु सहित जापानभर ६ हजार ३ सय ६० घरहरुमा पानीको सतह भुइँतला भन्दा माथि आएको पाइएको छ ।