राष्ट्रपति रामचन्द्र पौडेल र रास्वपा सभापति रवि लामिछानेबीच भेटवार्ता भएको छ। भेटमा पछिल्लो राजनीतिक अवस्था र समसामयिक विषयमा छलफल भयो।
राष्ट्रपति रामचन्द्र पौडेलसँग राष्ट्रिय स्वतन्त्र पार्टी (रास्वपा) का सभापति रवि लामिछानेले भेटवार्ता गर्नुभएको छ। बुधबार राष्ट्रपति भवन शीतल निवास पुगेर सभापति लामिछानेले राष्ट्रपति पौडेलसँग भेट गर्नुभएको हो।
राष्ट्रपति पौडेलसँगको भेटका क्रममा सभापति लामिछानेले मुलुकको पछिल्लो राजनीतिक अवस्था, समसामयिक विषय तथा पछिल्ला राजनीतिक घटनाक्रमबारे छलफल गर्नुभएको राष्ट्रपति पौडेलको सचिवालयले जनाएको छ।
राष्ट्रपति पौडेलले सुनसरी घटनालगायत विषयमा छलफल गर्न आह्वान गर्नुभएको सर्वदलीय बैठकका सन्दर्भमा समेत सभापति लामिछानेसँग जानकारी लिनुभएको जनाइएको छ।
भेटमा देशको समग्र राजनीतिक अवस्था, समसामयिक घटनाक्रम र राष्ट्रिय सरोकारका विषयमा विचारविमर्श भएको राष्ट्रपति सचिवालयले जनाएको छ। भेटबारे थप विस्तृत विवरण भने सार्वजनिक गरिएको छैन।
