पूर्वप्रधानमन्त्री डा. बाबुराम भट्टराईको स्वास्थ्य अवस्था सुधारोन्मुख रहेको छ। चक्कर र वान्तापछि ग्रान्डी अस्पतालमा उपचार भइरहेको छ।पूर्वप्रधानमन्त्री डा. बाबुराम भट्टराईको स्वास्थ्य अवस्था सुधारोन्मुख रहेको छ। मंगलबार साँझ अचानक तीव्र चक्कर लाग्नुका साथै वान्ता भएपछि उहाँलाई उपचारका लागि काठमाडौंको टोखास्थित ग्रान्डी अस्पतालमा भर्ना गरिएको थियो।
डा. भट्टराईको उपचार चिकित्सकको निगरानीमा भइरहेको उहाँका स्वकीय सचिव रेखी गुरुङले जानकारी दिनुभएको छ। उहाँका अनुसार हाल स्वास्थ्य अवस्था सुधार हुँदै गएको छ।
उपचारमा संलग्न चिकित्सकका अनुसार डा. भट्टराईको भित्री कानमा समस्या देखिएको सचिवालयले जनाएको छ। सचिवालयका अनुसार आवश्यक स्वास्थ्य परीक्षणका अन्य सबै रिपोर्ट सामान्य रहेका छन्। डा. भट्टराईको स्वास्थ्य अवस्थाबारे चिकित्सकहरूले निरन्तर निगरानी गरिरहेको र थप उपचार प्रक्रिया आवश्यकताअनुसार अघि बढाइने जनाइएको छ।
