काठमाडौं– नेपाली कांग्रेसले केन्द्रीय अनुशासन समिति पुनर्गठन गरेको छ।
पार्टी सभापति गगनकुमार थापाले नेपाली कांग्रेसको विधान, २०१७ (संशोधनसहित) को धारा ३४ को उपधारा (७) बमोजिम समिति पुनर्गठन गरेका हुन्।
केन्द्रीय सदस्य तारामान गुरुङलाई समितिको संयोजकमा मनोनयन गरिएको छ। त्यस्तै, केन्द्रीय सदस्यहरू धना खतिवडा, रमेशप्रसाद धमला र बजरंग नेपालीलाई समितिको सदस्यमा नियुक्त गरिएको छ।
पार्टीका कार्यवाहक मुख्य सचिव कृष्णप्रसाद दुलालले विज्ञप्तिमार्फत समिति पुनर्गठनबारे जानकारी दिएका हुन्।
३० बैशाख २०८३, बुधबार १७:२२ मा प्रकाशित
