काठमाडौं । नेकपा एमालेको केन्द्रीय सचिवालय बैठक साेमबार बस्ने भएकाे छ ।
अध्यक्ष केपी शर्मा ओली निवास गुण्डुमा साेमबार दिउँसो १ बजे बैठक बस्ने भएकाे हाे । यहि जेठ २ गते बस्ने भनिएको बैठक तयारी नपुगेको भन्दै साेमबारका लागि सारिएको छ । ११ औं महाधिवेशनपछि नेताहरुको कार्यविभाजन नभएकाले साेमबार बस्ने बैठकाे मुख्य एजेण्डा यसमै केन्द्रित हुने कार्यालय सचिव डा.भिष्म अधिकारीले बताउनुभएकाे छ।
केन्द्रीय सदस्यलाई पालिकास्तरको जिम्मेवारी दिएर पठाउने तयारी पनि भएकाे एमालेले जाएकाे हाे । हरेक केन्द्रीय सदस्यलाई पालिकाको इन्चार्ज बनाएर आगामी स्थानी तहको निर्वाचनमा पार्टीलाई बलियो बनाउन निर्देशन गरिनेछ । त्यसैगरी केन्द्रीय विभाग तथा निकायमा जिम्मेवारी बाँडफाँडको तयारी रहेकाे हाे ।
बैठकले गत फागुनमा भएको निर्वाचनको समीक्षाका लागि केन्द्रीय कमिटीको बैठकको मिति समेत तोकिने भएकाे छ। बैठकमा सरकारले जबरजस्ती हटाएका सुकुम्बासी, उनीहरुको व्यवस्थापन तथा सरकारका पछिल्ला काम कारबाही र यसले जनताका पारेको नकारात्मक असरका बारेमा पनि छलफल हुने एमालेले जनाएकाे हाे ।
