सरकारले ‘शिक्षा दसौँ संशोधन नियमावली २०८३’ स्वीकृत गर्ने निर्णय गरेको छ । आज बसेको मन्त्रिपरिषद् बैठकले शिक्षा क्षेत्रको सुधारका लागि महत्त्वपूर्ण मानिएको उक्त नियमावली स्वीकृत गर्ने लगायत अन्य ११ वटा महत्त्वपूर्ण निर्णयहरू गरेको हो ।बैठकले अर्थ सम्बन्धी केही नेपाल कानुनलाई संशोधन र खारेज गर्न बनेको विधेयकलाई सङ्घीय संसद्मा पेस गर्न स्वीकृति दिने निर्णय गरेको छ । यसका साथै, सामुद्रिक कानुनसम्बन्धी संयुक्त राष्ट्र सङ्घीय महासन्धि अन्तर्गतको ‘राष्ट्रिय क्षेत्राधिकार भन्दा बाहिरका सामुद्रिक जैविक विविधताको संरक्षण र दिगो प्रयोगसम्बन्धी सम्झौता’ (बीबीएनजी) लाई अनुमोदनका लागि सङ्घीय संसद्मा पेस गर्ने निर्णय पनि सरकारले गरेको छ ।
प्रशासनिक तथा सुरक्षातर्फ मन्त्रिपरिषद्ले नेपाल प्रहरीमा कार्यरत ८ जना प्रहरी अतिरिक्त महानिरीक्षक (एआईजी) हरूको सरुवा गरेको छ । त्यस्तै, ‘कमैया श्रम निषेध गर्ने सम्बन्धी पहिलो संशोधन नियमावली २०८३’ र देशको प्रशासनिक सुशासनका लागि महत्त्वपूर्ण मानिएका ‘राष्ट्रिय सदाचार नीति २०८३’ तथा ‘राष्ट्रिय विज्ञापन नीति २०८३’ समेत स्वीकृत भएका छन् । यसैगरी, विभिन्न सरकारी संस्थान तथा समितिहरूमा रिक्त रहेका उच्च पदहरूमा राजनीतिक नियुक्ति गरिएको छ ।
मन्त्रिपरिषद् बैठकका मुख्य निर्णयहरू:
-
ऐन तथा नियमावली स्वीकृत:
-
शिक्षा दसौँ संशोधन नियमावली २०८३ स्वीकृत ।
-
कमैया श्रम निषेध गर्ने सम्बन्धी पहिलो संशोधन नियमावली २०८३ स्वीकृत ।
-
-
संसद्मा विधेयक पेस गर्ने:
-
अर्थ सम्बन्धी केही नेपाल कानुनलाई संशोधन र खारेज गर्न बनेको विधेयक सङ्घीय संसद्मा पेस गर्न स्वीकृति ।
-
राष्ट्रिय क्षेत्राधिकार बाहिरका सामुद्रिक जैविक विविधता संरक्षणसम्बन्धी सम्झौता (बीबीएनजी) अनुमोदनका लागि संसद्मा पेस गरिने ।
-
-
नीतिगत निर्णय:
-
राष्ट्रिय सदाचार नीति २०८३ स्वीकृत ।
-
राष्ट्रिय विज्ञापन नीति २०८३ स्वीकृत ।
-
-
प्रहरी प्रशासन र सरुवा:
-
नेपाल प्रहरीमा कार्यरत ८ जना प्रहरी अतिरिक्त महानिरीक्षक (एआईजी) हरूको सरुवा ।
-
-
उच्च पदस्थ नियुक्तिहरू:
-
विशिष्ट संरचना सञ्चालन तथा व्यवस्थापन विकास समिति: कार्यकारी निर्देशक पदमा धर्मराज खड्का (धनकुटा) नियुक्त ।
-
गोरखापत्र संस्थान: महाप्रबन्धक पदमा हिक्मत बहादुर रावल (कैलाली) नियुक्त ।
-
सुरक्षण मुद्रण केन्द्र: कार्यकारी निर्देशक पदमा देवराज ढुङ्गाना (मोरङ) नियुक्त ।
-
