फिफा विश्वकप २०२६ को पहिलो सेमिफाइनलमा स्पेनले साविक उपविजेता फ्रान्सलाई २–० ले पराजित गर्दै फाइनलमा स्थान सुरक्षित गरेको छ। टेक्ससको ड्यालस स्टेडियममा भएको खेलमा स्पेनका लागि मिकेल ओयारजाबालले २२औँ मिनेटमा पेनाल्टीमार्फत पहिलो गोल गरे। दोस्रो हाफको ५८औँ मिनेटमा पेड्रो पोरोले उत्कृष्ट गोल थप्दै स्पेनको जित सुनिश्चित गरे।
फ्रान्सले किलियन एमबाप्पे, ब्राडली बारकोला र अन्य खेलाडीमार्फत गोल फर्काउने प्रयास गरे पनि स्पेनका गोलकिपर उनाई सिमोन र रक्षापंक्तिले सबै प्रयास विफल बनाए। यससँगै स्पेनले प्रतियोगितामा लगातार छैटौँ क्लिन–शिट राख्दै विश्वकप इतिहासमै नयाँ कीर्तिमान पनि बनाएको छ।
अब स्पेनले आइतबार हुने फाइनलमा अर्जेन्टिना र इङ्गल्याण्डबीचको दोस्रो सेमिफाइनल विजेतासँग उपाधिका लागि प्रतिस्पर्धा गर्नेछ।
३१ असार २०८३, बुधबार ०७:१९ मा प्रकाशित
