काठमाण्डौ — सरकारले सरकारी कर्मचारीको तलब भत्ता वितरण प्रणालीलाई अर्धमासिक अर्थात १५ /१५ दिनमा उपलब्ध गराउने तयारी गरेको छ । अर्थ मन्त्रालयले गएको शुक्रबार मन्त्रीस्तरीय निर्णय गरी महालेखा नियन्त्रक कार्यालयलाई आवश्यक व्यवस्था मिलाउन भनेको छ ।
मन्त्रालयअन्तर्गतको बजेट तथा कार्यक्रम महाशाखाले महालेखा नियन्त्रक कार्यालयलाई पठाएको पत्रमा हालसम्म मासिक रूपमा वितरण हुँदै आएको तलब भत्ता अब अर्धमासिक रूपमा भुक्तानी गर्ने व्यवस्था मिलाउन भनिएको छ ।
अहिलेसम्म सरकारी कर्मचारीहरूले तलब भत्ता मासिक रूपमा एकमुष्ट पाउँदै आएका छन् । प्रस्तावित नयाँ व्यवस्थाअनुसार कर्मचारीहरूले महिनामा दुई पटक तलब पाउनेछन् ।
७ बैशाख २०८३, सोमबार ०८:३१ मा प्रकाशित
