काठमाडौं । स्वतन्त्र सांसद महावीर पुनले आफ्नो सम्पत्ति विवरण सार्वजनिक गरेका छन् । उनले सामाजिक सञ्जालमार्फत आफ्नो विवरण सार्वजनिक गरेका हुन् ।
सांसदहरूले आफ्नो सम्पत्ति विवरण खामबन्दी गरेर संसद् सचिवालयलाई बुझाउनुपर्छ । संसद् सचिवालयलाई बुझाइसकेपछि सार्वजनिक गरिएको सम्पत्ति विवरणअनुसार उनको नाममा घर छैन ।
पुनले श्रीमतीको नाममा करिब तीन तोला सुन रहेको उल्लेख गरेका छन् । नेपाल बैंक लिमिटेडमा चार लाख रुपैयाँ नगद रहेको उल्लेख गरेका छन् ।
राट्रिय वाणिज्य बैंकमा २५ लाख रहेको खुलाएका छन् । उक्त रकम चुनावी चन्दा भनेका छन् । कास्कीमा करिब २८ रोपनी जग्गा रहेको उल्लेख छ ।
१६ बैशाख २०८३, बुधबार १२:३३ मा प्रकाशित
