काठमाण्डाै – हिजो घटेको शेयर बजार आज बढेको छ । शेयर बजार परिसूचक नेप्से आज ६ दशमलव ९४ अङ्कले बढेर २ हजार ७१८ दशमलव १६ विन्दुमा पुगेको छ ।
आज फाइनान्स, लगानी, उत्पादन तथा प्रशोधन, म्युचल फन्ड र निर्जीवन बीमा बाहेक सबै समूहको सूचक बढेकोमा लगानी समूहको सूचक डेढ प्रतिशतले उकालो लागेको छ ।
आज १५५ वटा कम्पनीको शेयर बढेकोमो १०२ वटाको घटेको छ । यस्तै १२ वटा कम्पनीको शेयर घटबढ भने घटबढ भएको छैन ।
आज स्वावलम्बन लघुवित्तको शेयर १२ दशमलव १९ प्रतिशतले बढेको छ । समग्रमा बजार बढेको दिन फरवार्ड माइक्रोफाइनान्स लघुवित्तको शेयर सबैभन्दा धेरै १३ दशमलव २४ प्रतिशतले घटेको छ ।
आज नेप्से बढे पनि कारोबार रकम भने घटेको छ । हिजो ३ अर्ब १९ करोडको कारोबार भएकोमा आज ३३४ वटा कम्पनीका ६६ लाख ८४ हजार कित्ता शेयर २ अर्ब ९३ करोड रुपैयाँमा किनबेच भएको छ ।
२४ बैशाख २०८३, बिहीबार १७:२० मा प्रकाशित
