काठमाडौं । नेकपा (एमाले) सचिवालय बैठक आज (जेठ १०) पनि बस्दै छ । भक्तपुरको गुन्डुस्थित पार्टी अध्यक्ष केपी शर्मा ओलीको निवासमा बिहान ११ः३० बजे बैठक सुरु हुने तय छ ।
बैठकका निम्ति विभिन्न ११ कार्यसूची तोकिएको छ । यसअन्तर्गत पार्टीको सांगठनिक कार्यविभाजन, विभिन्न कार्यदलहरूको गठन र वर्तमान राजनीतिक घटनाक्रमलगायत समसामयिक विषय छन् ।
बैठकमा पदाधिकारीले अघिल्ला छलफलका क्रममा उठाएका प्रश्न र जिज्ञासाको जवाफ अध्यक्ष ओलीले दिने कार्यतालिका छ ।
पार्टीको आन्तरिक सांगठनिक सुदृढीकरण र पछिल्लो राजनीतिक परिस्थितिबारे आवश्यक निर्णय लिन यो बैठक बोलाइएको हो ।
१० जेष्ठ २०८३, आईतवार ०९:३१ मा प्रकाशित
