निर्देशक बलिराम चौहान ले आफ्नो नयाँ चलचित्र ‘ल्याङ्ग ल्याङ्ग’ निर्माणको घोषणा गरेका छन्। चलचित्रको थिम पोस्टर सार्वजनिक गर्दै निर्माणको औपचारिक जानकारी दिइएको हो।
**स्काइफल पिक्चर्स**को प्रस्तुतिमा बन्ने यस चलचित्रको स्लोगन ‘हरेक युवाको कथा’ राखिएको छ। यसबाट चलचित्रले समकालीन युवा पुस्ताका अनुभव, संघर्ष र भावनालाई केन्द्रमा राख्ने संकेत गरेको छ।
चलचित्रको कथा निर्देशक बलिराम चौहान र **उपश्री खतिवडा**ले संयुक्त रूपमा तयार पारेका हुन्।
हाल कलाकार, प्राविधिक टोली, छायांकन तालिका तथा प्रदर्शन मितिबारे निर्माण पक्षले कुनै विवरण सार्वजनिक गरेको छैन। आगामी दिनमा यी विषय क्रमशः सार्वजनिक गरिने अपेक्षा गरिएको छ।
१६ असार २०८३, मंगलवार ०६:५५ मा प्रकाशित
