काठमाडौं — अमेरिकी डलरको विनिमयदर पछिल्लो एक सातादेखि स्थिर रहेको छ। नेपाल राष्ट्र बैंकका अनुसार अमेरिकी डलर एकको खरिददर १५२ रुपैयाँ ४१ पैसा र बिक्रीदर १५३ रुपैयाँ १ पैसा निर्धारण गरिएको छ।
राष्ट्र बैंकले तोकेको दरअनुसार बैंक तथा वित्तीय संस्थाहरूले अमेरिकी डलर खरिद गर्दा प्रतिडलर १५२ रुपैयाँ ४१ पैसा र बिक्री गर्दा १५३ रुपैयाँ १ पैसा कायम हुनेछ।
डलरको मूल्यमा पछिल्लो एक सातादेखि उल्लेख्य उतारचढाव नदेखिएको राष्ट्र बैंकको दैनिक विदेशी विनिमयदरले देखाएको छ। विदेशी मुद्रा कारोबार, आयात–निर्यात तथा विदेश अध्ययन र भ्रमणमा जाने नेपालीका लागि डलरको विनिमयदर महत्वपूर्ण मानिन्छ।
बैंक तथा वित्तीय संस्थाले राष्ट्र बैंकले तोकेको दरभन्दा फरक दरमा कारोबार गर्न सक्ने भएकाले वास्तविक कारोबारदर भने संस्थाअनुसार केही फरक हुन सक्नेछ।
३० श्रावण २०८३, शनिबार १३:५६ मा प्रकाशित
