निर्देशक तुलसी घिमिरेको नयाँ चलचित्र ‘पहाड’ को छायाङ्कन सुरू भएको छ भन्ने जानकारी दिइएको छ। चलचित्रको कथावस्तु युवा जनशक्तिको विदेश पलायनका कारण पहाडमा आउने खालीपन र यसले सिर्जना गर्ने सामाजिक र आर्थिक समस्याहरूलाई चित्रण गर्छ। निर्देशक घिमिरेले चलचित्रमार्फत समाजको यथार्थलाई दर्शकसम्म पु¥याउने लक्ष्य राखेका छन्।
चलचित्रमा विपिन कार्की, सुनील थापा, मदनकृष्ण श्रेष्ठ, रेनुनाथ योगी, अरुण क्षेत्री, रवीन्द्रसिंह बानियाँ लगायतका कलाकारहरूको अभिनय छ। यसै चलचित्रमा घिमिरेकी कान्छी छोरी पञ्चमी घिमिरेलाई अभिनेतृका रूपमा प्रस्तुत गरिएको छ। चलचित्रको प्राविधिक टिममा भावना घिमिरे प्रोडक्सन डिजाइनरको रूपमा कार्यरत छिन्, र संगीत निर्देशकको जिम्मेवारी रञ्जित गजमेरले लिएका छन्।
निर्देशक घिमिरेको स्वास्थ्य समस्या कारण केही समयको लागि छायाङ्कन रोकिएको भए तापनि, हाल गोरखामा निर्धारित तालिका अनुसार छायाङ्कन जारी छ। चलचित्रका निर्माता ओजस्वी केसी हुन्, र छायाङ्कन प्रमोद प्रधानले गरिरहेका छन्।
