काठमाडौं । चलचित्र ‘काजी’को ट्रेलर सार्वजनिक गरिएको छ । सार्वजनिक ट्रेलरले सिनेमाको कथावस्तु प्रस्ट पार्ने प्रयास गरेको छ ।
पारिवारिक सम्बन्धमा आउने उतारचढावलाई सिनेमाले प्रस्तुत गर्ने संकेत ट्रेलरले गरेको छ । आफ्नो प्रेम र सम्बन्ध बचाउन गरेको संघर्ष र भरोसाको कथा सिनेमाले समेटेको आंकलन ट्रेलरबाट लगाउन सकिन्छ ।
बाल्यकालमा परिवारको माया पाउन नसकेको व्यक्ति पारिवारक प्रेम बचाउन कुन हदसम्म समाजसँग लड्छ भन्ने ट्रेलरले देखाएको छ । ट्रेलरमा विपीन कार्की र केकी अधिकारीको प्रेम र संघर्ष समेटिएको छ ।
सिनेमामा विपीन र केकीसहित गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपानेलगायतको अभिनय छ ।
सिनेमालाई लक्ष्मण रिजालले निर्देशन गरेका छन् । प्रदीप भारद्धाजको लेखन रहेको चलचित्रमा चिन्तन राजभण्डारीको छायांकन छ ।
‘काजी’ जेठ ८ गतेबाट प्रदर्शनमा आउँदै छ ।
