काठमाडौं । चलचित्र कलाकार संघले ३ जेठमा हुन लागेको संस्थाको चुनावका अन्तिम उम्मेदवारको सूची सार्वजनिक गरेको छ । जसअनुसार, अध्यक्षमा उत्तम केसी र सविन श्रेष्ठले उम्मेदवारी दिएका छन् ।
उपाध्यक्षमा उद्धव भट्टराई, डिलबहादुर तामाङ, पनाह अधिकारी, पुजना प्रधान र राजेन्द्र बस्नेतले उम्मेदवारी दिएका छन् । महासचिवमा रामेश्वर बुर्लाकोटी र सुनिल कटुवालको उम्मेदवारी छ ।
सचिवमा गोपाल ढकाल छन्दे र पल्पसा डंगोल चम्सुरीले उम्मेदवारी दिएका छन् । सो मितिमा संस्थाको २१ औं साधारण सभा तथा अधिवेशन आयोजना हुँदैछ । संस्थामा कूल ५३७ जना मतदाता छन् ।
३१ बैशाख २०८३, बिहीबार १६:४६ मा प्रकाशित
