नेपाली कांग्रेसको १५औँ महाधिवेशनअन्तर्गत ललितपुरको कोन्जोसोम गाउँपालिका अधिवेशनबाट जीवन लामा गाउँपालिका सभापतिमा निर्विरोध निर्वाचित भएका छन्।
गाउँपालिका अधिवेशनबाट लामालाई सभापति पदमा सर्वसम्मत चयन गरिएको नेपाली कांग्रेसले जनाएको छ। अधिवेशनले गाउँपालिका कार्यसमितिको नेतृत्वका लागि उनलाई जिम्मेवारी दिएको हो।
कार्यसमितिका अन्य पदाधिकारी तथा सदस्यहरूको टुंगो भने आपसी छलफलमार्फत लगाइने भएको छ। नेपाली कांग्रेसका अनुसार बाँकी पदाधिकारी चयनका विषयमा भोलि छलफल गरी निर्णय गरिनेछ।
नवनिर्वाचित सभापति लामाले पार्टी संगठनलाई थप व्यवस्थित र सक्रिय बनाउँदै स्थानीय तहमा कांग्रेसको संगठन सुदृढ गर्न भूमिका खेल्ने अपेक्षा गरिएको छ।
नेपाली कांग्रेसको १५औँ महाधिवेशनअन्तर्गत अहिले देशभर वडा, पालिका तथा जिल्ला तहका अधिवेशनहरू सञ्चालन भइरहेका छन्।
७ आश्विन २०८३, बुधबार २२:०७ मा प्रकाशित
